CÒRS E CÒSSES RESCALFATS A L'OSTAL !

Un brave mercé al grop tarnès lo Fial de Lana, que nos balhèt dijòus una serada calandrejaira e amistosa. Malgrat un vent torrat que jamai (qu'aguèt, pr'aquò, la cortesiá de caçar las nivolas al luènh), l'ambient foguèt caud, risolièr... e mai, tot còp, estudiós, qu'aqueles musicians e cantaires, del vam extraordinari e comunicatiu, sabon iniciar los novelaris tan coma afortunar los dançaires de flor !

Un centenat de personas s'aprodelèron sus la pista de 9 oras fins a mièjanuèch passat, per de danças de tota mena de mantuna provincias d'Òc.

Una serada subrebèla, que s'acabèt per un "Se canta..." bramat a plena votz !